Tenisti serb, Novak Gjokoviç, nuk tërhiqet nga mesazhi provokues që dha ditën e djeshme gjatë French Open, ku në kulmin e tensioneve në Veri tha se “Kosova është zemra e Serbisë”.
Gjatë një konference për media të dhënë këtë të martë Gjokoviç vijoi provokimet duke thënë se deklarata e djeshme “është më e pakta që mund të bëjë për Kosovën”.
“Ndjejë përgjegjësinë si figurë publike, nuk ka rëndësi në cilën fushë jap mbështetjen time”, tha Gjokoviç.
Deklarata e tenistit serb u dënua nga Komiteti Olimpik dhe Federata e Tenisit të Kosovës.
“Komentet e bëra nga Novak Gjokoviç në fund të Roland Garros ndeshjen kundër Aleksandar Kovaçeviçit, deklaratat e tij në konferencën për shtyp pas ndeshjes, dhe postimi i tij në Instagram paraqesin një sërë aktesh thellë për keqardhje”, deklaroi Federata e tenisit të Kosovës.
